Ötən ilin avqust ayında açıqlanmış yeni nəsil "Land Cruiser 250" modeli 10-13 iyun tarixlərində "Prado" sevənlərə təqdim olunub. Gürcüstanda baş tutan təqdimat mərasimi maraqlı tədbirlər və test yürüşləri ilə yadda qalıb.

"Kutaisi Inn" hotelində baş tutan tədbirdə iştirakçılara "Land Cruiser 250" modelinin ənənəvi ruhuna sadiq qalaraq yenilənmiş xarici görünüşü, "Multi-Terrain Select", "Crawl Control", stabilizatoru ayırma mexanizmi kimi bir sıra yenilikləri, təkmilləşdirilmiş sürmə və idarəetmə performansı, həm yolda, həm də yolsuzluq şəraitindəki bənzərsiz rahatlığı haqqında geniş məlumat verilib.

"Toyota Caucasus" yeni modelin yolsuzluq bacarıqlarını göstərməyin ən gözəl üsulunu birbaşa sahədə təcrübə etmək olduğunu düşündüyündən iştirakçılar üçün "Muaşi" resortundan və Kulbaki gölündən keçərək Prometeus mağaralarında yekunlaşan bir test yürüşü marşrut xətti təşkil edib.

İştirakçılar test yürüşü zamanı "Prado" əfsanəsinin daha da güclənməsini hiss edərək yeni modelin əvvəlki modellərlə müqayisədə hansı üstünlüklərə sahib olduğunu görüblər. Onlar "Multi-Terrain Select" sistemi ilə avtomobilin fərqli sürmə ssenarilərinə adaptasiya olmasını, "Crawl Control" sistemi ilə enişli-yoxuşlu yollarda sürətin stabil saxlanmasını, avtomobilin hər şəraitdə təqdim etdiyi komfortu və idarəetmənin hər kəs üçün rahat və əlçatan olmasını birbaşa təcrübə ediblər.

Paylaş:

• 
  Aylıq ödəniş: 683
  DongFeng Aeolus Huge
• 
  Aylıq ödəniş: 683
  DongFeng Aeolus Huge
• 
  Aylıq ödəniş: 719
  GWM Poer
• 
  Aylıq ödəniş: 1152
  Voyah Free